Fe fydd cerddor byd-enwog arall yn perfformio yng Nghaerdydd yr haf nesaf, wrth i'r brifddinas dyfu yn ei phoblogrwydd fel lleoliad i gyngherddau mawr.

Y canwr poblogaidd Sam Fender yw'r diweddaraf ar restr yr artistiaid fydd yn canu yn y ddinas.

Mae Fender, sydd o North Shields yng ngogledd Lloegr, yn enwog am ei ganeuon sydd yn cynnwys 'Rein Me In' a 'Seventeen Going Under'.

Cyhoeddodd fideo ar y cyfryngau cymdeithasol ddydd Llun oedd yn awgrymu lleoliadau ei gyngherddau yn ystod haf 2027.

Roedd y stadiymau hyn yn cynnwys St James' Park - cartref ei hoff dîm pêl-droed Newcastle United, a hefyd stadiwm Etihad ym Manceinion, y Principality yng Nghaerdydd, Murrayfield yng Nghaeredin, Castell Malahide yn Iwerddon a Wembley yn Llundain.

"Mae am fod yn anferth", meddai yn y neges.

Llun: Ben Birchall/PA