Mae gyrrwr beic modur wedi marw mewn gwrthdrawiad ym Mhowys.

Dywedodd Heddlu Dyfed-Powys eu bod yn ymchwilio i wrthdrawiad rhwng beic modur a fan ar yr A4067 ger Crai yn ne’r sir.

Digwyddodd y gwrthdrawiad am tua 11:45 ddydd Mercher rhwng y beic modur coch Kawasaki a fan Citroen Berlingo wen.

Bu farw'r gyrrwr beic modur yn y fan a'r lle.

Mae ei deulu wedi cael gwybod ac yn derbyn cefnogaeth gan swyddogion yr heddlu.

Ni chafodd unrhyw un arall eu hanafu.

Fe gafodd y ffordd ei chau am gyfnod tra'r oedd yr heddlu'n cynnal ymchwiliad.

Mae llu yn gofyn i unrhyw un sydd â gwybodaeth i gysylltu â nhw ar eu gwefan neu drwy ffonio 101.

Llun: Google maps