Mae’r fabolgampwraig Ruby Evans wedi ennill medal aur gyntaf Cymru yng Ngemau’r Gymanwlad 2026.

Fe enillodd Evans, sy'n 19 oed, yng nghystadleuaeth y llawr, gyda sgôr o 13.500.

Daeth Abi Martin o Loegr yn ail gyda sgôr o 13.333, a Shantae-Eve Amankwaah o Loegr yn hawlio’r fedal efydd.

Dywedodd Ruby Evans yn dilyn ei buddugoliaeth: "Rwy'n hapus iawn ac yn falch bod o wedi'i gyflawni. Dwi'n teimlo fel fy mod wedi dod yma gyda dicter. 

"Ro'n i'n gwybod fy mod i eisiau medal ond mi enillais yr aur a dwi'n hapus iawn dros fy hunain."

Daw buddugoliaeth Ruby Evans, sy'n dod o Gaerdydd, wedi iddi hi orffen yn seithfed yn gynharach ddydd Mawrth yng nghystadleuaeth y trawst cydbwysedd.

Evans oedd y Gymraes gyntaf i orffen ar frig Pencampwriaethau Gymnasteg Artistig Prydain ym mis Mawrth eleni.

Daeth y fedal aur gyntaf yn ystod y chweched diwrnod o gystadlu, yn dilyn dwy fedal arian a chwe medal efydd i athletwyr Cymru.