Wrecsam i ymuno gyda chlybiau pêl-droed byd-enwog ar gêm FIFA 22

NS4C

Fe fydd clwb pêl-droed Wrecsam yn un o’r timau i ymddangos ar gêm fideo boblogaidd FIFA 22.

Mae'r cwmni sydd yn gyfrifol am ddatblygu'r gêm, EA Sports, wedi cadarnhau y bydd y clwb, sydd bellach dan berchnogaeth y sêr Hollywood Ryan Reynolds a Rob McElhenney, yn rhan o’r gêm ddiweddaraf yn y gyfres.

Bydd modd chwarae dan enw Wrecsam yng nghategori ‘Gweddill y Byd’.

Ar hyn o bryd, mae’r clwb yn chwarae yn y Gynghrair Genedlaethol.

Dyma fydd yr unig garfan y tu allan i’r gynghrair honno i gael ei chynnwys fel rhan o’r gêm fyd enwog.

Mae disgwyl y bydd FIFA 22 yn cael ei rhyddhau ar ddechrau Hydref.

Llun: Asiantaeth Luniau Huw Evans