Mae Heddlu De Cymru yn apelio am wybodaeth gan y cyhoedd wrth geisio dod o hyd i fenyw o'r Unol Daleithiau sydd heb ei gweld ers mis Tachwedd 2025.

Mae gan Tana Garner, 59, gês dillad wedi'i glymu â rhaff ac mae'n debygol ei bod yn ardal Caerdydd meddai swyddogion.

Y gred yw ei bod wedi ymweld â chanol dinas Caerdydd yn aml a'i bod wedi bod yn ddigartref am gyfnod o amser.

Mae hi'n siarad ag acen Americanaidd gref ac mae'n bosibl ei bod wedi teithio i rywle arall yn y DU, o bosibl i Windsor.

Mae ymholiadau'r heddlu wedi cadarnhau nad yw wedi gadael y DU ers cyrraedd ym mis Mehefin 2025.

Mae'r heddlu'n gofyn i Tana i gysylltu i gadarnhau ei bod yn ddiogel ac yn iach ac yn gofyn i unrhyw un sydd gyda gwybodaeth am ei lleoliad i gysylltu gan ddefnyddio'r cyfeirnod  2600002657.