Mae Heddlu Dyfed-Powys wedi arestio dyn 48 oed ar ôl i fenyw ddioddef anafiadau mewn gwrthdrawiad yn Aberystwyth.

Dywedodd y llu eu bod nhw’n ymchwilio i’r gwrthdrawiad rhwng car Vauxhall Insignia Glas a cherddwr ar Stryd Porth y Gogledd tua 19:05 nos Fawrth.

Cafodd y fenyw ei chludo i'r ysbyty i gael asesiad meddygol.

Ychwanegodd y llu eu bod nhw wedi arestio un dyn, 48 oed, ar amheuaeth o yrru'n beryglus, gyrru dan ddylanwad cyffuriau, a gyrru cerbyd mewn cyflwr peryglus.

Mae'n parhau yn y ddalfa.

Mae’r heddlu’n gofyn i unrhyw un sydd â gwybodaeth i gysylltu gan ddyfynnu cyfeirnod:DP-20251230-281.

Llun: Google