Mae’r Swyddfa Dywydd wedi cyhoeddi rhybudd tywydd melyn i dde Cymru ar gyfer nos Lun.

Mae’r rhybudd yn dod i rym am 18:00 ddydd Llun hyd at 18:00 ddydd Mawrth ac mae’r Swyddfa Dywydd yn rhagweld glaw trwm ar draws y rhan helaeth o dde Cymru.

Ychwanegodd y Swyddfa Dywydd y gallai hanner mis o law gwympo gyda rhai mannau yn gweld rhwng 20-40mm o law a bod siawns o lifogydd.

Dywedodd y Swyddfa Dywydd: “Mae ansicrwydd o hyd ynglŷn â’r union fanylion, ond mae disgwyl i ardaloedd o law trwm ar draws de Cymru.

Ychwanegodd y Swydda Dywydd y gallai 60-80mm o law gwympo ar dir uchel yn ne Cymru gyda rhwng 80-100mm yn bosib ar fryniau agored.

Mae’r rhybudd tywydd yn berthnasol yn y siroedd canlynol:

• Abertawe
• Sir Benfro
• Blaenau Gwent
• Bro Morgannwg
• Caerdydd
• Caerffili
• Casnewydd
• Castell-nedd Port Talbot
• Ceredigion
• Sir Gâr
• Sir Fynwy
• Merthyr Tudful
• Pen-y-bont
• Powys
• Rhondda Cynon Taf
• Torfaen