Image
Rhybuddion am lifogydd ar draws Cymru yn dilyn glaw trwm dros nos
Mae nifer o rybuddion am lifogydd mewn grym mewn mannau o Gymru yn dilyn cyfnodau o law trwm dros nos ynghyd â llanw uchel.
Dywedodd Cyfoeth Naturiol Cymru fod saith rhybudd o lifogydd mewn grym yn yr ardaloedd canlynol o arfordir de orllewin Cymru a Bae Ceredigion:
- Y Borth
- Aberaeron
- Dinbych-y-pysgod
- Niwgwl
- Bae Caerfyrddin
- Pentywyn
- Cei Caerfyrddin
Mae 27 o rybuddion melyn "byddwch yn barod” mewn grym ar hyd arfordiroedd y de, de orllewin, Bae Ceredigion, gogledd orllewin a’r canolbarth.
Roedd gwasanaethat trenau rhwng Machynlleth ac Aberystwyth wedi eu canslo oherwydd llifogydd ac roedd Pont Cleddau wedi cau i gerbydau uchel am gyfnod oherwydd cyflymder y gwynt.
