Cau rhan o Lwybr Arfordir Cymru yn dilyn tirlithriad
Mae rhan o Lwybr Arfordir Cymru ar gau yng Ngwynedd yn dilyn tirlithriad fore dydd Mawrth.
Cafodd llwybr troed Penrallt, Nefyn sydd hefyd yn ffurfio rhan o Lwybr Arfordir Cymru ei gau i gerddwyr am y tro yn dilyn y digwyddiad.
Mewn datganiad, dywedodd Cyngor Gwynedd bod eu swyddogion yn parhau i asesu’r sefyllfa.
"Gofynnwn i’r cyhoedd gadw draw tra bod y gwaith yma’n digwydd er mwyn diogelu’r cyhoedd," meddai datganiad gan y cyngor.
"Bydd ein swyddogion yn darparu llwybr amgen yn y dyddiau nesaf tra’n trafod datrysiad tymor hir i’r sefyllfa gyda thirfeddianwyr cyfagos", ychwanegodd y cyngor.
Llun: Cyngor Gwynedd
