Mae o leiaf pedwar o bobl wedi eu lladd ar ôl achos o saethu mewn parti pen-blwydd plentyn yn nhalaith Califfornia yn America.

Fe gafodd 10 o bobl eraill hefyd eu hanafu yn sgil y saethu yn y parti mewn bwyty nos Sadwrn, yn ninas Stockton.

Dywedodd yr heddlu bod y dioddefwyr yn cynnwys oedolion a phlant.

Image

Mae’r unigolyn sydd dan amheuaeth yn dal ar ffo, meddai’r heddlu.

Dywedodd Swyddfa Siryf Sir San Joaquin fod y saethu wedi digwydd ychydig cyn 18.00 (02.00 GMT ddydd Sul).

"Mae hwn yn ymchwiliad gweithredol ac mae'r wybodaeth sydd gyda ni yn parhau i fod yn gyfyngedig,” meddai llefarydd.

"Mae tystiolaeth gynnar yn awgrymu y gallai hwn fod yn ymosodiad wedi'i dargedu, ac mae ymchwilwyr yn edrych ar bob posibilrwydd."

Image

Lluniau gan Reuters/Fred Graves.