Mae cyn Aelod Seneddol Ceidwadol Pen-y-bont ar Ogwr wedi gwadu bod ganddi basbort ffug tra'n Aelod Seneddol.

Katie Wallis, 41 o Drebiwt yng Nghaerdydd oedd yr Aelod Seneddol trawsryweddol agored cyntaf yn Nhŷ'r Cyffredin.

Fe wnaeth Wallis, sydd yn defnyddio rhagenwau benywaidd, ymddangos yn Llys y Goron Caerdydd ddydd Iau, gan gynrychioli ei hun yn y gwrandawiad.

Fe wnaeth hi wadu dau gyhuddiad mewn cysylltiad â phasbort ffug.

Y cyhuddiad cyntaf yw bod mewn meddiant o ddogfen hunaniaeth gyda bwriad amhriodol, sef 'pasbort Prydeinig dan yr enw Jamie Wallis, oedd yn ffug ac roedd y person yn gwybod neu'n credu iddo fod yn un ffug."

Yr ail gyhuddiad yw bod mewn meddiant ar ddogfen hunaniaeth ffug o dan yr enw Jamie Wallis.

Mae hi wedi ei hamau o feddu ar y ddogfen ym mis Ebrill 2022, pan roedd hi'n dal yn gwasanaethu fel AS Ceidwadol.

Cafodd ei rhyddhau ar fechnïaeth amodol.

Bydd achos llys yn ei herbyn yn dechrau ar 2 Tachwedd 2026.