Mae dyn 29 oed sydd wedi ei arestio ar amheuaeth o lofruddiaeth yn Aberteifi dros y penwythnos, yn parhau i gael ei holi gan yr heddlu.

Cafodd swyddogjon eu galw i ardal Pwll y Rhwyd o'r dref am 12.35pm brynhawn Sadwrn yn dilyn adroddiadau fod corff menyw wedi ei ganfod.

Yn ddiweddarach, fe gadarnhaodd Heddlu Dyfed-Powys mai corff menyw 21 oed oedd wedi ei ddarganfod, a bod dyn 29 oed wedi ei arestio ar amheuaeth o lofruddiaeth.

Mae teulu Corinna Baker, wedi rhoi teyrnged iddi, gan ei disgrifio fel "person annwyl oedd yn cael ei charu’n fawr."

Fe gadarnhaodd swyddogion nos Fawrth fod y dyn 29 oed yn parhau yn y ddalfa yn cael ei holi ar amheuaeth o lofruddio.

Mae swyddogion yn arbennig o awyddus i siarad ag unrhyw un a allai fod wedi bod yn yr ardal rhwng 19.00 nos Iau, 13 Tachwedd a phrynhawn Sadwrn.

Yn ôl Heddlu Dyfed-Powys, mae presenoldeb yr heddlu yn amlwg yn y dref yn ne Ceredigion.