Caeodd Ysgol Gynradd Ganllwyd ger Dolgellau yn 2017 yn rhan o adrefnu'r gyfundrefn addysg yn yr ardal.  

 

Roedd perchennog newydd yr adeilad, Richard Turvey o Ipswich eisiau trosi'r hen ysgol yn llety gwyliau. 

 

Gwrthododd Parc Cenedlaethol Eryri y cais am nad oedd yn cydymffurfio â pholisiau'r Cynllun Datblygu lleol ar anghenion tai yn lleol, ac am nad oedd yn darparu cyfleoedd gwaith neu'n gwella'r adnoddau cymunedol presennol.   

 

Dywedodd yr arwethwr tai Dafydd Tomos, ar ran George a Tomos, o Fachynlleth, mai llety gwyliau oedd yr unig ddefnydd ymarferol, oherwydd maint yr adeilad. 

 

Ychwanegodd y byddai hynny'n ffordd o atal dirywiad yn nghyflwr yr adeilad.

 

"Oherwydd y lleoliad a natur yr ardal, mae galw mawr am lety ar gyfer ymwelwyr, yn enwedig gydag adeiladau mawr sydd â digon o le ar gyfer nifer fawr o bobol, yn deuluoedd mawr, neu ar gyfer grwpiau yn dod at ei gilydd," meddai. 

 

Roedd Cyngor Cymuned Ganllwyd yn gwrthwynebu'r cais, gan ddadlau y byddai'n effeithio ar gymeriad a diwylliant y gymuned, a'r iaith Gymraeg.