Mae murlun o’r brodyr Gallagher wedi ei ddadorchuddio yng Nghanolfan Siopa Dewi Sant wrth i filoedd edrych ymlaen at berfformiad Oasis ym mhrifddinas Cymru yr wythnos nesaf. 

Fel rhan o’r dathliadau mae gwaith celf 16 troedfedd o uchder wedi ei greu – a hynny drwy ddefnyddion 3,000 o hetiau bwced. 

Bydd Oasis yn cychwyn eu taith yn y Deyrnas Unedig ac Iwerddon gyda dau gyngerdd yn y brifddinas ddydd Gwener a dydd Sadwrn nesaf. 

Dyma fydd y tro cyntaf i’r brodyr berfformio gyda’i gilydd ers 2009. 

Y Cymro Nathan Wyburn yw’r artist y tu ôl i’r murlun enfawr o’r enw Wonder Wall, ar ôl un o ganeuon enwocaf y band, sydd i’w ar lawr cyntaf y ganolfan ger y bwytai sydd yno.

Image

Dywedodd Helen Morgan, cyfarwyddwr Canolfan Siopa Dewi Sant eu bod wedi eu “hanrhydeddu” ac yn “gyffrous” am y ffaith mai Caerdydd fydd lleoliad perfformiadau cyntaf Oasis o'r daith.

“Roedden ni eisiau dathlu’r ddinas am ei bod y lle cyntaf y gall eu cefnogwyr ddod i weld yr aduniad,” meddai. 

“Felly fe wnaethon ni gomisiynu portread unigryw Wonder Wall er mwyn anrhydeddu Noel a Liam a’r daith ryngwladol epig. 

“Dyma yw’r defnydd gorau o hetiau bwced erioed.” 

Lluniau: UMPF