Mae dyn mewn cyflwr "difrifol" ac un arall wedi'i arestio yn dilyn ymosodiad yn ardal Caerau yng Nghaerdydd.

Cafodd yr heddlu eu galw ychydig cyn hanner nos ddydd Mercher yn dilyn adroddiad bod dyn wedi ei anafu mewn cae gyferbyn â Heol y Gaer.

Dywedodd y llu bod dyn 32 oed mewn cyflwr "difrifol" yn Ysbyty Athrofaol Cymru yn y brifddinas.

Mae dyn 39 oed wedi cael ei arestio ar amheuaeth o ymosod.

Mae ymholiadau'r heddlu'n parhau.