Marwolaeth Tonysguboriau: Cyhuddo wythfed person mewn cysylltiad â llofruddiaeth
Joanne Penney
Mae wythfed person wedi cael ei gyhuddo mewn cysylltiad â llofruddiaeth dynes 40 oed yn y Rhondda.
Bu farw Joanne Penney yn Nhonysguboriau ar 9 Mawrth ar ôl cael ei saethu.
Mae Molly Cooper, 33 oed wedi ei chyhuddo o gymryd rhan yng ngweithgareddau grŵp troseddol a chael gafael ar fwledi ar gyfer arf heb dystysgrif.
Fe ymddangosodd yn Llys Ynadon Merthyr ar 9 Mehefin.
Ni chafodd unrhyw ble ei gynnig.
Bydd Ms Cooper yn parhau yn y ddalfa ac yn ymddangos yn y llys ym mis Hydref gyda'r saith person arall sydd wedi eu harestio mewn cysylltiad â marwolaeth Joanne Penney.
Cyn hynny byth y saith person arall yn ymddangos yn y llys ar 7 Gorffennaf ar gyfer gwrandawiad cyn dechrau’r achos.
Mae dyddiad ar gyfer yr achos llawn wedi’i bennu ar gyfer 20 Hydref.
Mae pump o bobl wedi’u cyhuddo o lofruddiaeth ac un person wedi ei gyhuddo o gnorthwyo troseddwr.
Mae Marcus Huntley, 20, o Laneirwg, Caerdydd; Melissa Quailey-Dashper, 39, o Gaerlŷr; Joshua Gordon, 27, o Oadby, Sir Gaerlŷr; a Tony Porter, 68, o Braunstone Town, Sir Gaerlŷr, i gyd wedi'u cyhuddo'n flaenorol o lofruddiaeth.
Mae Mr Porter hefyd wedi’i gyhuddo o gymryd rhan yng ngweithgareddau grŵp troseddol.
Mae Kristina Ginova, 21, o Oadby, Sir Gaerlŷr, wedi’i chyhuddo o gynorthwyo troseddwr.
