Mae’r BBC wedi cyhoeddi cynlluniau i wneud ffilm newydd o Call The Midwife, yn ogystal â chyfres newydd sydd wedi ei gosod yn ystod yr Ail Ryfel Byd.

Daw wrth i’r ffilmio ddechrau ar gyfer y 15fed gyfres y ddrama BBC One sy’n dilyn grŵp o nyrsys bydwragedd sy’n gweithio yn East End Llundain o ddiwedd y 1950au i ddechrau’r 1970au.

Bydd y ffilm wedi'i lleoli mewn lleoliad tramor sydd heb ei ddatgelu eto ym 1972, a bydd yn cynnwys cymeriadau o'r sioe deledu bresennol.

Bydd y gyfres ragflaenol (prequel) sydd ar wahân yn “ymchwilio i’r gorffennol yn ddyfnach” meddai rheolwr y rhaglen, Heidi Thomas.

Bydd yn cynnig cipolwg ar fywyd yn Poplar, dwyrain Llundain yn ystod y Blitz.

Dyw lleoliad y ffilm ddim wedi cael ei ddatgelu gan y BBC. 

“Ar ôl crio, chwerthin, a rhuthro fy ffordd o 1957 i 1971, roeddwn i'n ysu i ymchwilio i'r gorffennol yn ddyfnach,” meddai Heidi Thomas.

"Roedd blynyddoedd y Blitz yn yr East End yn rhyfeddol - yn llawn colled, undod, dewrder a llawenydd," meddai

Dywedodd Cyfarwyddwr BBC Ffilmiau, Eva Yates, "Mae Call the Midwife bob amser wedi archwilio materion a phrofiadau menywod trwy hanes yn wych, a gyda chyffro mawr rydym yn ymuno â Pippa a Heidi i ehangu gorwelion y Bydwraig i ddod â’r cymeriadau gwych hyn ar y sgrin fawr.”