Mae dynes o Gaerau yng Nghaerdydd wedi gwadu cyhuddiad o stelcian teulu Madeleine McCann.

Fe ymddangosodd Karen Spragg, 60, o flaen Llys y Goron Caerlŷr gyda Julia Wandel, 23 o Lubin yn ne-orllewin Gwlad Pwyl.

Roedd Karen Spragg wedi ei chyhuddo o wneud galwadau, anfon llythyrau a mynd at gyfeiriad cartref Kate a Gerry McCann.

Roedd Julia Wandel wedi ei chyhuddo o wneud galwadau, gadael negeseuon, ac anfon llythyr a neges WhatsApp at Mr a Mrs McCann.

Honnodd Julia Wandel yn y gorffennol mai hi oedd y ferch fach a aeth ar goll ym Mhortiwgal ym mis Mai 2007.

Cafodd ei chadw yn y ddalfa ac fe ryddhawyd Karen Spragg ar fechnïaeth amodol.

Bydd y ddwy yn ymddangos yn yr un llys ar gyfer achos ar 2 Hydref.