Mae person wedi dioddef anafiadau difrifol mewn damwain rhwng dau gar ym Mhen Llŷn.

Fe dderbyniodd yr heddlu adroddiadau am y gwrthdrawiad am 17.14 ddydd Llun ar ffordd y B4417 rhwng Tudweiliog a Phenllech.

Cafodd Heddlu'r Gogledd, Gwasanaeth Ambiwlans Cymru a Gwasanaeth Tân ac Achub Gogledd Cymru eu galw i'r digwyddiad.

Cafodd hofrennydd ambiwlans awyr ei galw i leoliad y ddamwain hefyd.

Cafodd un person ei gludo i ysbyty yn Stoke gydag anafiadau difrifol ac fe gafodd dau arall eu cludo i Ysbyty Gwynedd.

Mae'r heddlu'n gofyn i unrhyw un sydd gyda gwybodaeth i gysylltu gan ddefnyddio'r cyfeirnod 25000285295.