Image
Tân yn cau stryd fawr Porthmadog fore Sadwrn
Roedd rhan o Stryd Fawr Porthmadog ar gau i deithwyr fore Sadwrn oherwydd tân mewn eiddo yn yn y dref.
Dywedodd Gwasanaeth Tân ac Achub Gogledd Cymru bod eu criwiau yn bresennol ar ôl iddyn nhw gael eu galw am 4.30 a bod y ffordd yn y dref yng Ngwynedd ar gau.
Roedd y tân ar Deras y Rheilffordd ger maes parcio Iard-yr-Orsaf. Mae'r stryd fawr bellach wedi ail-agor.
“Rydym yn gofyn i drigolion lleol osgoi’r ardal a chadw ffenestri a drysau ar gau,” meddai Gwasanaeth Tân ac Achub Gogledd Cymru ben bore.
Dywedodd yr AA fore Sadwrn bod y ffordd ar gau i’r ddau gyfeiriad o’r Stryd Fawr i Deras Cambrian oherwydd “tân difrifol”.
Roedd y tân hefyd wedi effeithio ar drafnidiaeth gyhoeddus gyda chwmni Lloyds Coaches yn dweud y bydd gwasanaeth G23 o’r stryd fawr yn dechrau a gorffen ym mharc Porthmadog.
