Mae Heddlu Gwent wedi cyhoeddi enw dynes a gafodd ei lladd mewn gwrthdrawiad tra'n cerdded ym mhentref Blaina ar 18 Ionawr.  

Roedd Kim Haile, neu Kim Blake yn flaenorol, yn fam i dri o feibion ac yn fam-gu i bump o wyrion.

Wrth roi teyrnged iddi, dywedodd ei theulu: "Gyda thristwch mawr, rydym yn cyhoeddi bod ein mam brydferth Kim wedi'n gadael, ddydd Sadwrn 18 Ionawr. 

"Fel teulu, rydym yn gofyn i unrhyw un sydd â manylion i gysylltu â Heddlu Gwent.

"Mae Kim yn gadael bwlch enfawr yn ein teulu."  

Mae swyddogion sy'n cynnal ymchwiliad i'r gwrthdrawiad yn awyddus i siarad ag unrhyw un a oedd yn teithio ar Stryd yr Eglwys neu'r ardal gyfagos rhwng 10.50 a 11.15 ar ddydd Sadwrn, 18 Ionawr.

Mae modd cysylltu â Heddlu Gwent drwy ffonio 101, anfon neges uniongychol ar gyfryngau cymdeithasol, neu drwy ymweld â gwefan y llu, gan ddyfynnu'r rhif 2500018177.