Mae Heddlu De Cymru yn ymchwilio ar ôl i gorff gael ei ganfod ar draeth poblogaidd yn ne Cymru.

Roedd nifer o swyddogion wedi eu gweld yn chwilio uwchben ac ar draeth Rhosili ar Benrhyn Gŵyr dydd Sadwrn.

Dywedodd y llu eu bod nhw wedi dod o hyd i gorff a bod y person wedi marw yn y fan a’r lle.

Dywedodd yr heddlu: “Cafodd Heddlu De Cymru eu galw ychydig cyn 11:45 dydd Sadwrn Rhagfyr 21 i adroddiadau bod corff ar draeth Rhosili ym Mhenrhyn Gŵyr. 

“Cyhoeddwyd bod y person wedi marw yn y fan a’r lle.  Nid oes adnabyddiaeth ffurfiol wedi digwydd eto ac mae ymchwiliadau i'r digwyddiad yn parhau.”

Llun: Croeso Bae Abertawe