Mae Heddlu Dyfed Powys yn ymchwilio i farwolaeth person mewn gwrthdrawiad yn Sir Gâr ddydd Sul.

Bu farw’r person mewn gwrthdrawiad rhwng car Volkswagen du a beic modur KTM du ar yr A4069 rhwng Llangadog a Llanymddyfri am tua 10:30.

Dywedodd y llu: “Yn anffodus, bu farw un person yn y fan a’r lle. Mae'r teulu yn cael eu cefnogi gan swyddogion arbenigol."

Mae’r llu wedi gofyn i unrhyw un sydd â gwybodaeth a oedd yn teithio ar hyd y ffordd yn ystod amser y gwrthdrawiad neu sydd â lluniau camera dashfwrdd o’r cerbydau i gysylltu gyda nhw.