Mae dynes 70 oed wedi pledio'n euog i achosi marwolaeth baban drwy yrru'n beryglus ger mynedfa ysbyty.

Bu farw Mabli Cariad Hall, oedd yn wyth mis oed, ar 25 Mehefin y llynedd wedi gwrthdrawiad y tu allan i fynedfa Ysbyty Llwynhelyg yn Sir Benfro ar 21 Mehefin.

Cafodd ei chludo mewn hofrennydd i Ysbyty Athrofaol Cymru yng Nghaerdydd a’i throsglwyddo’n ddiweddarach i Ysbyty Brenhinol Plant Bryste, ond bu farw bedwar diwrnod yn ddiweddarach.

Ymddangosodd Bridget Carole Curtis, 70, o Begeli yn Sir Benfro yn Llys y Goron Abertawe ddydd Gwener.

Clywodd cwest fod Mabli wedi marw o anafiadau trawmatig difrifol i'r ymennydd.

Cafodd Bridget Curtis ei rhyddhau ar fechnïaeth ddiamodol, ac fe fydd yn cael ei dedfrydu ar 22 Tachwedd.