Mae’r Gymraes Emma Finucane wedi ennill medal efydd yn ras y keirin yn y Gemau Olympaidd ym Mharis.

Fe ddaeth Finucane yn y trydydd safle tu ôl i’r enillydd Ellesse Andrews o Seland Newydd a Hetty van de Wouw o’r Iseldiroedd a gurodd Finucane o drwch blewyn.

Mae’r keirin yn ras o chwe lap o amgylch y trac gyda’r tair gyntaf tu ôl i feic modur bach cyn i’r reidwyr gystadlu yn rhydd am weddill y ras.

Dyma ail fedal y gemau i Finucane ar ôl iddi ennill medal aur yn y tîm gwibio yn gynharach yn yr wythnos.

Fe fydd Finucane hefyd yn cystadlu yn y gwibio unigol i geisio am fedal arall.

Llun: X/TeamGB