Fe wnaeth ymdrechion y Cymro, Elfyn Evans, yn Rali Ffindir ddod i ben yn dilyn damwain ar ddiwrnod olaf y cystadlu ddydd Sul.

Fe aeth car Toyota Yaris y Cymro fynd oddi ar y ffordd ar gornel cyntaf cymal 19 ddydd Sul.

Roedd gobeithion Evans ar chwâl erbyn hynny beth bynnag ar ôl iddo golli dros chwe munud ar un o gymalau ddydd Sadwrn pan dorrodd siafft yrru’r car.

Inline Tweet: https://twitter.com/RalioS4C/status/1820023843513110793

Sébastien Ogier o Ffrainc oedd yn fuddugol ar ôl i’r ffefryn lleol Kalle Rovanperä gael damwain ar yr un cymal ag Evans fore dydd Sul pan oedd yn arwain y rali.

Mae'r canlyniad yn ergyd i obeithion Evans ym Mhencampwriaeth Rali'r Byd, wrth iddo fethu ag ychwanegu pwyntiau at ei gyfanswm yn y bencampwriaeth.

Roedd wedi cwympo i’r trydydd safle ar ôl dod yn bumed yn Rali Latfia bythefnos yn ôl, a bellach mae wedi disgyn i'r pedwerydd safle.

Llun: X/Elfyn Evans