Miloedd yn protestio ar ôl i ddyn hoyw gael ei ladd yn Sbaen

The Independent

Mae miloedd o bobl wedi protestio yn galw am gyfiawnder yn Sbaen ar ôl i ddyn hoyw gael ei guro i farwolaeth.

Mae'r heddlu yn credu i'r digwyddiad fod yn ymosodiad homoffobig. 

Gwnaeth Samuel Luiz, 24, ddioddef ymosodiad ar noson allan gyda ffrindiau yn ninas A Coruña yn oriau mân y bore dydd Sadwrn.

Mae adroddiadau yn dweud y gwnaeth ffrae ddechrau tu allan i glwb nos yn y ddinas. Bu farw Mr Luiz yn ddiweddarach yn yr ysbyty.

Mae ei farwolaeth wedi ennyn dicter ledled y wlad, gyda heddlu yn Catalwnia yn dweud eu bod yn ymchwilio i ymosodiad arall a allai fod wedi cael ei ysgogi gan homoffobia, meddai The Independent

Darllenwch y stori'n llawn yma.

Llun: Fernando Losada Rodríguez