Bydd y cyn-AS Ceidwadol Jacob Rees-Mogg a'i deulu yn serennu mewn rhaglen ddogfen newydd. 

Bydd 'Meet the Rees-Moggs' yn dilyn bywyd Mr Rees-Mogg, ei wraig Helena de Chair, a'u chwech o blant yn y gyfres a fydd yn cael ei darlledu ar blatfform Discovery+.

Bydd y gyfres bum pennod yn cael ei darlledu yn ddiweddarach eleni.

Fe gollodd Mr Rees-Mogg ei sedd yn etholaeth Gogledd Ddwyrain Gwlad yr Haf yn yr etholiad cyffredinol. 

Mae Discovery+ wedi addo y bydd y gyfres yn cynnig mewnwelediad "fel erioed o'r blaen" i fywyd cyn Aelod Seneddol, gan ddilyn ei hynt a'i helynt yn y cyfnod cyn yr etholiad.

Bydd gwarchodwraig y plant hefyd yn rhan o'r gyfres, sef Veronica Crook, a wnaeth edrych ar ôl Mr Rees-Mogg pan yr oedd yn blentyn yn y 60au.