Mae rhybudd melyn am law mewn grym ar gyfer nifer o siroedd yng ngogledd ddwyrain Cymru fore dydd Sul.

Fe fydd y rhybudd yn dod i rym am 04:00 ac yn aros mewn grym tan 10:00.

Mae'r Swyddfa Dywydd yn rhybuddio y gall llifogydd ar y ffyrdd amharu ar gynlluniau teithwyr.

Mewn rhai achosion fe all rhai ffyrdd fod ar gau oherwydd y glaw.

Hefyd mae perygl o lifogydd mewn tai a busnesau mewn mannau.

Dyma restr o'r siroedd all gael eu heffeithio:

• Conwy
• Sir Ddinbych
• Sir y Fflint