Siom i Macron a Le Pen yn etholiadau rhanbarthol Ffrainc

Sky News

Bu siom i ddau o wleidyddion amlycaf Ffrainc dros nos wedi cyfres o etholiadau rhanbarthol yn y wlad.

Ni lwyddodd plaid yr Arlywydd Emmanuel Macron, Republique en Marche, i ennill rhanbarth ei hun. 

Nid oedd y blaid yn bodoli yn 2015 ar adeg yr etholiad rhanbarthol diwethaf, yn ôl Sky News.

Roedd siom hefyd i'r blaid asgell-dde Rassemblement national, dan arweiniad Marine Le Pen, a fethodd i ennill un o'r 12 rhanbarth roedd yn sefyll ynddi.

Mae disgwyl i'r canlyniadau gynnig blas o farn y bobl wrth i'r wlad baratoi at bleidleisio yn yr etholiadau Arlywyddol yn 2022.

Darllenwch fwy am y canlyniadau yma.

Llun: Senedd Ewrop (drwy Flickr)