Fe fydd swyddog diogelwch 36 oed yn wynebu achos llys y flwyddyn nesaf ar gyhuddiadau o geisio cynllwynio i lofruddio’r gyflwynwraig deledu Holly Willoughby.

Mae Gavin Plumb, o Essex, hefyd wedi ei gyhuddo o gynllwynio i'w herwgipio.

Fe wnaeth bledio'n ddieuog i’r cyhuddiadau yn ystod gwrandawiad byr yn Llys y Goron Chelmsford ddydd Gwener.

Mae Mr Plumb wedi’i gyhuddo o gynllwynio ar-lein gyda dyn arall a chreu “cynllun manwl” i gyflawni’r troseddau.

Roedd disgwyl i'r dyn arall i gyrraedd y DU o’r Unol Daleithiau cyn i'r cynllwyn gael ei ddarganfod. 

Fe fydd Gavin Plumb yn ymddangos o flaen y llys ar 24 Mehefin y flwyddyn nesaf.

Cafodd ei gadw yn y ddalfa.