Mae rhybudd melyn am law trwm mewn grym ar gyfer y rhan helaeth o Gymru. 

Mae'r rhybudd wedi bod mewn grym ers 06:00 ddydd Mawrth a bydd yn parhau tan 18:00 ddydd Mercher. 

Yn ystod y cyfnod 36 awr, mae disgwyl rhwng 50mm a 100mm o law i ddisgyn, gyda hyd at 150-200mm mewn rhai ardaloedd. 

Mae’n bosib y gallai rhai cartrefi a busnesau brofi llifogydd, gyda gwasanaethau bws a thrên yn cael eu heffeithio yn ôl y Swyddfa Dywydd.

Gallai rhai cyflenwadau pŵer hefyd gael eu heffeithio. 

Bydd y rhybudd mewn grym yn:

• Blaenau Gwent
• Pen-y-bont ar Ogwr
• Caerffili
• Caerdydd
• Sir Gaerfyrddin
• Ceredigion
• Sir Conwy
• Sir Ddinbych
• Gwynedd
• Merthyr Tudful
• Sir Fynwy
• Castell-nedd Port Talbot
• Casnewydd
• Powys
• Rhondda Cynon Taf
• Abertawe
• Torfaen
• Bro Morgannwg