Bu'n rhaid cau ffordd ar Ynys Môn am gyfnod ddydd Sul er mwyn tanio dyfais dan reolaeth, ar ôl i wrthrych gael ei ddarganfod ar draeth.

Cafodd swyddogion o'r  Gwasanaeth Gwaredu Ordnans Ffrwydrol eu galw i'r digwyddiad ar yr A5 yn Y Fali rhwng Ffordd Caergybi a Phenrhos.

Roedd y ffordd ar gau am nifer o oriau, gyda'r heddlu'n apelio ar y cyhoedd i gadw draw o'r ardal am gyfnod.

Yn ôl adroddiadau lleol, roedd modd clywed y ffrwydrad o gryn bellter.

Cafodd y ffordd ei hail-agor yn ddiweddarach.