Dyn ifanc lleol wedi marw mewn gwrthdrawiad ar gyrion Caernarfon
03/06/2023
Mae Newyddion S4C ar ddeall fod dyn lleol wedi marw mewn gwrthdrawiad ar gyrion Caernarfon yn hwyr nos Wener.
Fe ddigwyddodd y gwrthdrawiad ar ffordd yr A4085 rhwng Stad Ddiwydiannol Peblig a chylchfan Caeathro.
****FFORDD AR GAU ****
— Heddlu Gogledd Cymru (@HeddluGogCymru) June 2, 2023
Mae'r A4085 rhwng Stad Ddiwydiannol Peblig a chylchfan Caeathro ar gau oherwydd gwrthdrawiad ffordd. Bydd y ffordd ar gau am beth amser.#Caeathro pic.twitter.com/4NeBoDB3u4
Fe gafodd y ffordd ei chau am rai oriau.
Ond fe gafodd y ffordd ei hail-agor fore dydd Sadwrn.
