Newyddion S4C

Bale

Gareth Bale i gystadlu yng nghystadleuaeth golff y PGA

NS4C 24/01/2023

Mae Gareth Bale wedi cyhoeddi y bydd yn cystadlu yng nghystadleuaeth golff y PGA fis nesaf. 

Ddechrau Ionawr, cyhoeddodd Bale ei fod yn ymddeol o bêl-droed rhyngwladol ac o'i glwb. 

Mewn neges ar y cyfryngau cymdeithasol ddydd Llun, dywedodd y byddai'n cystadlu yng nghystadleuaeth PGA 'AT&T Pebble Peach Pro-Am' yng Nghaliffornia ym mis Chwefror. 

Bydd nifer o golffwyr adnabyddus ac amaturiaid yn cystadlu, gan gynnwys enillydd yr US Open Matt Fitzpatrick yn ogystal â Jordan Spieth a Luke Donald. 

Fe wnaeth Bale gynrychioli Cymru 111 o weithiau, gan sgorio 41 o goliau rhyngwladol. 

This website uses cookies to ensure you get the best experience on our website.