Mae'r Cymro Elfyn Evans wedi cwblhau Rali Monte Carlo yn y pedwerydd safle.

Fe ddaeth yn seithfed ar y cymal olaf ddydd Gwener oherwydd pynjar wnaeth rhwystro ei obeithion i herio'r ceffylau blaen.

Fe gododd ei obeithion fore Sadwrn ar ôl iddo ddod yn ail ar ddau gymal cyntaf y dydd yn ei Toyota Yaris.

Ond methodd a gwella ei safle ar bedwar cymal ddydd Sul gan orffen yn y pedwerydd safle ar ôl tridiau.

Fe orffennodd 1:12.4 tu ôl i'r enillydd Sébastien Ogier o Ffrainc sydd wedi creu record newydd am ennill yn Monte Carlo.

Dyma rali gyntaf y bencampwriaeth eleni a bydd y gyrwyr yn symud ymlaen i Rali Sweden fis nesaf.

Fe ddaeth Evans yn bedwerydd yn y gystadleuaeth y llynedd.

Llun: Twitter/Elfyn Evans

OGIER YN CREU HANES 🤩

Llongyfarchiadau mawr i @SebOgier ar ennill 9fed rali Monte-Carlo! 🇲🇨

A record-breaking 9th Monte win for Ogier, what a driver!

4ydd cadarn a phenwythnos positif i @ElfynEvans – ymlaen i Sweden! 🙌 🏴󠁧󠁢󠁷󠁬󠁳󠁿
#RallyeMonteCarlo #EE33 #WRC pic.twitter.com/mbGLQU97vL

— Ralïo+ (@RalioS4C) January 22, 2023