Mae o leiaf 10 o bobl wedi marw yn dilyn achos o saethu mewn stiwdio ddawns yn ninas Monterey Park ger Los Angeles.

Roedd degau o filoedd o bobl wedi ymgynnull mewn gŵyl i ddathlu’r Flwyddyn Newydd Chineaidd nos Sadwrn.

Dywedodd heddlu'r ddinas fod o leiaf 10 o bobl arall yn cael triniaeth mewn ysbytai lleol.

Fe ddigwyddodd y saethu am tua 10pm nos Sadwrn amser Los Angeles, sef 6am yma yng Nghymru.

Ychwanegodd yr heddlu eu bod nhw'n amau mai dyn oedd yn gyfrifol am y digwyddiad ond nad ydynt wedi dal unrhyw un eto mewn cysylltiad â'r saethu.