​​​​​​Mae'r Swyddfa Dywydd wedi cyhoeddi rhybudd melyn am eira a rhew ar gyfer rhannau o Gymru wrth i'r tymheredd ostwng.

Fe fydd y rhybudd yn dod i rym am 12:00 ddydd Llun ac mae yn para tan 12:00 ddydd Mawrth.

Mae disgwyl y bydd y ffyrdd a rheilffyrdd yn cael eu heffeithio.

Fe allai rhwng 5-10cm o eira ddisgyn ar diroedd uchel, a rhai centimetrau ar diroedd is.

Mae rhybudd hefyd y gallai'r rhew achosi anafiadau wrth i bobl lithro neu syrthio.

Dyma'r siroedd sydd yn cael eu heffeithio:

• Conwy
• Gwynedd
• Sir Ddinbych
• Sir y Fflint
• Wrecsam
• Ynys Môn