Teyrnged i ddyn a gafodd ei drywanu mewn clwb nos yn Birmingham
27/12/2022Mae'r heddlu wedi cyhoeddi enw dyn 23 oed fu farw ar ôl cael ei drywanu mewn clwb nos yn Birmingham ar Ŵyl San Steffan.
Cafodd Cody Fisher ei anafu yng nghlwb Crane yn y ddinas ychydig cyn 23:45.
Bu farw hanner awr yn ddiweddarach.
#UPDATE | We can now name the young man who died as Cody Fisher.
— Birmingham Police (@BrumPolice) December 27, 2022
His family said tonight: "They have broken our hearts; I have lost my best friend. My family and I are asking for privacy and respectfulness at this heart-breaking time." pic.twitter.com/xErz4SvBJ6
Mewn datganiad ddydd Mawrth, dywedodd aelod o'i deulu bod eu calonnau wedi torri: "Rydw i wedi colli fy ffrind gorau. Mae fy nheulu a minnau yn gofyn am breifatrwydd a pharch yn ystod y cyfnod torcalonnus yma."
Dywedodd yr heddlu fod ei deulu yn cael cefnogaeth gan swyddogion arbennig.