Mae nifer o gefnogwyr Cymru wedi profi trafferthion teithio cyn y gêm dyngedfennol yn erbyn Iran ddydd Gwener.

Mae nifer o gefnogwyr wedi eu lleoli yn Dubai, ac felly yn teithio oddi yno i Qatar ar gyfer y gemau, ond yn sgil rheolau Visa Qatar, sydd yn golygu fod yn rhaid cael cerdyn Hayya dilys, mae nifer wedi profi trafferthion. 

Er ei fod wedi llwyddo i gyrraedd Doha yn ddi-drafferth ar gyfer y gêm gyntaf yn erbyn UDA ddydd Llun, un sydd wedi cael trafferth ydi Hywel Price o Gaerdydd, a dywedodd wrth y BBC fore dydd Gwener fod yna "broblemau mawr gyda'r cerdyn Hayya, sydd yn orfodol i bawb ei gael, i fynd mewn i'r wlad felly ma' 'na brobleme yn codi 'da rhai.

"Fi'n un o'r rhai anlwcus - bore 'ma pan o'n i'n gadel Dubai, o'dd yr hediad am 06:20 i fynd mewn i Doha felly codi tua 02:30, tacsi mewn i'r maes awyr, a gath y cerdyn Hayya ei wrthod gan yr awdurdode a ddim yn caniatau i mi fynd ar yr awyren."

Myself and one of my mates turned away. We were due to fly at 6.20 am and in the 3 hours I spent in airport spoke to loads in the same situation. People on Qatar Airways allowed to fly with permits pending. Something needs to be done before England match. Total shambles.

— Wil Evans (@WilEvans6) November 25, 2022

Roedd Mr Price ymysg 13 o gefnogwyr Cymru eraill a wnaeth ddangos eu cerdyn Hayya i'r awdurdodau, ond "roedd y cerdyn yn cario ymlaen i ddweud bod e'n pending, er bod e'n gweithio ddoe a wedyn yn sydyn, ddim yn gweithio bore 'ma,  felly ma' 'na brobleme enfawr," meddai. 

Doedd dim cymorth i'w gael meddai Mr Price ac ychwanegodd "dylai ryw gynrychiolydd sy'n gweithio i'r cerdyn Hayya fod ymhob maes awyr neu ddinas lle mae cefnogwyr yn croni er mwyn helpu nhw." 

"Dwi'n amau yn fawr iawn y byddai yn y gêm Lloegr ar y funud," meddai Mr Price. 

Fe wnaeth y cyflwynydd Eleri Sion hefyd drydar fore Gwener i ddweud fod nifer wedi profi trafferthion a bod 78 o gefnogwyr Cymru wedi eu gwrthod rhag hedfan, sydd yn "hunllef pur i bobl a gafodd fynd i'r gêm gyntaf yn erbyn UDA ond ddim heddiw gan bod eu cardiau Hayya heb eu awdurdodi."

@WeAreFSACymru We are at Dubai airport and 78 @faw fans have been turned away and will not be going to today’s game! @BBCRadioWales @BBCRadioCymru This is an absolute nightmare for people who gained entry to Qatar for the USA game but not today as their Hayya cards are pending!

— Eleri Siôn (@EleriSion) November 25, 2022

Dywedodd Llysgenhadaeth Prydain yn y Yr Emiradau Arabaidd Unedig fod modd cysylltu gyda Chanolfan Gyswllt Qatar 2022 os oes yna bobl yn profi trafferthion mewn meysydd awyr. 

If you're travelling to Qatar to watch @FIFAWorldCup matches, airlines will check that your #hayya app is confirmed before letting you travel. If you have problems with the #hayya app, call the #Qatar2022 Contact Centre on +974 4441 2022 (outside Qatar) or 800 2022 (within Qatar) pic.twitter.com/RqlEMNiMP3

— UKinUAE 🇬🇧🇦🇪 (@ukinuae) November 25, 2022