Mae rhybudd melyn am wynt a glaw wedi ei gyhoeddi ar gyfer dros hanner siroedd Cymru yn ystod oriau man bore dydd Iau.

Bydd y rhybudd yn dod i rym am 03:00 ac yn parhau tan 08:00.

Mae'r Swyddfa Dywydd yn dweud y gallai gwasanaethau trafnidiaeth gyhoeddus gael eu heffeithio ac yn rhybuddio am oedi posib i deithwyr.

Mae hi hefyd yn bosib y bydd rhai cartrefi yn colli trydan am gyfnodau, gyda rhai ardaloedd yn wynebu "glaw trwm" a "gwyntoedd cryfion".

Mae'r rhybudd melyn gan y Swyddfa Dywydd yn berthnasol i'r siroedd canlynol:

• Abertawe
• Blaenau Gwent
• Bro Morgannwg
• Caerdydd
• Caerffili
• Casnewydd
• Castell-nedd Port Talbot
• Merthyr Tudful
• Pen-y-bont ar Ogwr
• Rhondda Cynon Taf
• Sir Benfro
• Sir Fynwy
• Sir Gaerfyrddin
• Torfaen