Mae cwnstabl gyda Heddlu Gogledd Cymru wedi ei gyhuddo o dreisio a throseddau rhyw eraill.

Fe wnaeth PC Ashley Dodge, 35 oed, ymddangos yn Llys Ynadon Yr Wyddgrug ddydd Iau ar gyfer gwrandawiad byr.

Mae wedi ei gyhuddo o dreisio a thri chyhuddiad o ymosod yn rhywiol.

Roedd y cyhuddiadau honedig wedi digwydd pan nad oedd ar ddyletswydd.

Cafodd ei arestio gan swyddogion Heddlu Gogledd Cymru ym mis Hydref y llynedd.

Cafodd ei wahardd o'i ddyletswyddau yn syth ac mae wedi cael ei ryddhau ar fechnïaeth.

Bydd yn ymddangos yn Llys y Goron Yr Wyddgrug ar gyfer gwrandawiad ple ym mis Tachwedd.