Mae dau o bobl wedi marw a nifer wedi eu hanafu ar ôl i gar yrru tuag at dorf yn ninas Leipzig yn nwyrain yr Almaen, brynhawn Llun.  

Cafodd y gyrrwr ei arestio yn ddiweddarach. 

Yn ôl pennaeth Gwasanaeth Tân Leipzig, Axel Schuh, cafodd 22 o bobl eu hanafu, dau yn ddifrifol. 

Mae tua 40 o ddiffoddwyr tân yno yn ogystal â degau o barafeddygon.  

Cadarnhaodd yr heddlu fod car wedi taro nifer o bobl yn ardal Grimmaische Straße cyn i'r gyrrwr adael y safle.   

Mae'r ardal dan sylw yn arwain at ganolfan siopa Leipzig.  

Llun: Reuters