Mae Manchester United wedi cyhoeddi mai Mauricio Pochettino fydd yn olynu Michael Carrick fel prif hyfforddwr y clwb.

Mae’r clwb wedi dod i gytundeb â Ffederasiwn Bêl-droed yr Unol Daleithiau dros ryddhau Pochettino o’i gytundeb fel rheolwr y wlad, er mwyn ei benodi fel Prif Hyfforddwr yn Old Trafford.

Roedd yr Archentwr 54 oed wedi bod yn rheolwr ar Tottenham Hotspur am bum tymor, gan eu harwain i rownd derfynol Cynghrair y Pencampwyr yn 2019.

Mae hefyd wedi rheoli clybiau Southampton, Chelsea a Paris St-Germain.

Fe wnaeth arwain yr Unol Daleithiau i rownd yr 16 olaf yng Nghwpan y Byd eleni.

Bydd Pochettino yn cychwyn ei swydd ar 18 Tachwedd ar ôl gorffen ei ddyletswyddau gydag Unol Daleithiau.

Mae’n olynu Michael Carrick, a gafodd ei ddiswyddo gan y clwb ddydd Iau.