Glastonbury 2027: Harry Styles a Cher ymysg prif artistiaid yr ŵyl

Harry Styles (PA)

Mae Harry Styles, Billie Eilish, Sam Fender a Cher wedi'u cyhoeddi fel y prif artistiaid yng Ngŵyl Glastonbury 2027.

Ar ôl cymryd seibiant yn 2026, bydd yr ŵyl yn dychwelyd y flwyddyn nesaf rhwng 23 a 27 Mehefin ar fferm Worthy Farm ym Mhilton, Gwlad yr Haf.

Bydd Cher yn perfformio yn slot y chwedlau brynhawn Sul yr ŵyl, er nad yw wedi bod ar daith ers 2020.

Ymhlith yr artistiaid eraill sydd wedi'u cyhoeddi ar gyfer yr ŵyl mae Massive Attack, Lily Allen, Little Simz, The xx, Chase & Status, Sombr, Ezra Collective a Kraftwerk.

Bydd nifer o artistiaid eraill hefyd yn perfformio, gan gynnwys FKA Twigs, Lola Young, Primal Scream, Robyn, Teddy Swims, Ellie Goulding a Kacey Musgraves.

Bydd rhagor o artistiaid yn cael eu cyhoeddi maes o law.

Aeth tocynnau ar gyfer Gŵyl Glastonbury 2027 ar werth ar 4 Hydref, a gwerthwyd pob tocyn o fewn 45 munud.

Roedd tocynnau mynediad cyffredinol yn costio £408, sef cynnydd o £29.50 o gymharu â phris tocynnau 2025.

 

Newyddion diweddaraf

Mae'r wefan hon yn defnyddio cwcis i sicrhau eich bod chi'n cael y profiad gorau ar ein gwefan.