Cafodd bachgen tair oed driniaeth CPR mewn parc gwledig ar ôl mynd i drafferth mewn dŵr ym Mhen-y-bont ar Ogwr.

Dywedodd Heddlu De Cymru eu bod nhw wedi eu galw i Barc Gwledig Bryngarw am tua 14:20 ddydd Sadwrn.

Roedd aelod o'r cyhoedd wedi rhoi CPR i’r plentyn nes i ambiwlans gyrraedd.

Mae'r bachgen, sy'n dod o Gasnewydd, wedi cael ei gludo i'r ysbyty lle mae ei gyflwr yn cael ei ddisgrifio fel un sefydlog.

Dywedodd yr heddlu eu bod nhw’n ymchwilio i'r digwyddiad.

Llun: Google