Cafodd dynes ei hachub ar ôl mynd yn sownd mewn tywod ar draeth y Rhyl nos Wener.

Fe gafodd timau Gwylwyr y Glannau o’r Rhyl a Bangor, ynghyd â Hofrennydd Achub Gwylwyr y Glannau, eu galw i Splash Point ar draeth y Rhyl am 21:00.

Roeddent yn ymateb i adroddiadau bod dynes yn sownd mewn mwd hyd at ei phen-gliniau, gyda’r llanw yn dod i mewn.

Cafodd criw Bad Achub y Rhyl hefyd eu galw, gan gyrraedd y ddynes gyda’r dŵr yn cyrraedd ei gwasg.

Ar ôl iddi gael ei lleoli gan y bad achub, fe wnaeth y criw roi siaced achub amdani.

Yna fe wnaeth aelod o’r criw gefnogi’r ddynes drwy ei rhoi ar ei gefn, gan achosi i’w thraed ddod allan o’r tywod suddo.

Cafodd ei chadw yn y bad achub am gyfnod cyn cael ei chludo i orsaf y bad achub i gael ei harchwilio. Nid oedd wedi dioddef unrhyw anafiadau yn ystod y digwyddiad.

Llun: Bad Achub Y Rhyl