Mae Heddlu'r Gogledd yn apelio am wybodaeth ar ôl i ddyn yn ei 70au farw yn dilyn gwrthdrawiad ar yr A470 ddydd Mawrth. 

Cafodd yr heddlu eu galw i wrthdrawiad dau gerbyd ger mynedfa Gwesty Neuadd Bodysgallen ar gyrion Llandudno am 15:46. 

Digwyddodd y gwrthdrawiad rhwng Volkswagen gwyn a Volkswagen du. 

Cafodd gyrrwr y car gwyn ei gyhoeddi’n farw yn y fan a’r lle. Y gred yw mai dyn lleol yn ei 70au ydyw, meddai’r heddlu. 

Mae gyrrwr y car arall yn derbyn triniaeth am anafiadau man yn yr Ysbyty. 

Mae Rhingyll Raymond Williams o Uned Plismona’r Ffyrdd Gogledd Cymru wedi cydymdeimlo gyda theulu’r dyn. 

Maent yn apelio ar unrhyw un sydd gan wybodaeth i gysylltu gan ddefnyddio’r cyfeirnod Z153572.