Mae tîm rygbi yn y de wedi cael gwared ar fath oedd wedi ei adael ar gopa Pen y Fan, mynydd uchaf de Cymru.

Roedd aelodau tîm academi Caerdydd wedi bod wrthi'n gwirfoddoli gyda’r Ymddiriedolaeth Genedlaethol yn helpu gyda gwaith cynnal a chadw’r llwybrau ar y mynydd pan welsant fath ar y copa.

Pan gyrhaeddon nhw'r copa, cawson nhw sioc o weld bath wedi'i adael yno, yn ôl pob golwg heb unrhyw esboniad.

Fe wnaeth y chwaraewyr ifanc gludo'r bath trwm i lawr y mynydd 2,900 troedfedd o uchder, meddai’r clwb.

Mae bellach wedi dod i'r amlwg bod y bath wedi'i adael yno gan y dylanwadwr cyfryngau cymdeithasol Tom Christopher, o Abertawe, a oedd wedi mynd â'r bath i ben y mynydd mewn ymgais i dorri'r record am y bath uchaf yn y byd.

Roedd Christopher wedi postio fideo yn ei ddangos yn ei gludo i fyny'r mynydd cyn neidio i mewn iddo i ddathlu.

Dywedodd tudalen cyfryngau cymdeithasol Academi Rygbi Caerdydd: "Diwrnod gwych i'r uwch-academi yn cefnogi'r Ymddiriedolaeth Genedlaethol ym Mhen y Fan, gyda phrofiad gwaith amhrisiadwy a gwaith tîm hanfodol.

"Hefyd, cafodd y grŵp y pleser o gludo bath o'r copa i lawr. 

"Pwy fyddai'n gadael bath i fyny yno?! Difeddwl."

Llun: Rygbi Caerdydd