Mae dyn o Gastell-nedd Port Talbot wedi cael ei garcharu ar ôl iddo gael ei gael yn euog o dreisio. 

Cafwyd Michael Allen, 45 oed, o Bort Talbot, yn euog ym mis Mawrth o bedwar cyhuddiad o dreisio yn erbyn dau o blant. 

Roedd y ddau ddioddefwr o dan 18 oed ar adeg troseddu Allen. 

Cafodd Allen ei ddedfrydu i 23 mlynedd o garchar dydd Llun. 

Dywedodd y Ditectif Gwnstabl Penny Romanello o Heddlu De Cymru: “Mae’r ymchwiliad trylwyr hwn wedi dangos bod Michael Allen yn ddyn hynod beryglus sy’n gallu cyflawni troseddau rhywiol erchyll yn erbyn plant. 

“Mae ei ddau ddioddefwr wedi bod trwy brofiad ofnadwy; ni allwn hyd yn oed ddechrau deall y difrod y mae wedi’i achosi iddynt yn gorfforol ac yn feddyliol. 

“Rydym yn eu canmol ill dau am eu dewrder wrth siarad am droseddau Michael Allen.”